Xəbərlər
- 29.07.10 08:53 Dünya ermənilərinin idman festivalı Güney Azərbaycanda keçiriləcək!
DAK informasiya mərkəzinə daxil olan məlumata əsasən İran rejimi müsəlman Azərbaycan və türk dünyasına qarşı öz təxribatçı siyasətininin dəvamı olaraq ermənilərin türk torpaqlarında tədbir keçirməsi üçün minbir şərait yaradır və bu tədbirlərə hayasızcasına təşkilatçılıq edir.
Urmudan gələn xəbərlərə görə, Dünya ermənilərinin idman festivalı sabah iyul ayının 29-dan (mordadın 7-i) başlanaraq 10 gün Urmu şəhərinin Çarbaş məhəlləsində ermənilərə xas olan idman klubunda dəvam edəcək.
Festivalda İranın qardaş ölkəsi Ermənistan, Livan (Lübnan), İraq, İran, Avropa və Amerika erməniləri iştirak edəcəklər.
Festivalın vəsaiti İran ermənilər qurumu, İran bədən tərbiyyəsi İdarəsi və İran parlamenti tərəfindən təmin olunacaq.
Keçən il anoloji tədbirdə 2000 erməni iştirak edib. Onlar Urmunun ən bahalı sahilyanı hotellərində bəsləniblər.
Həmçinin İran rejimi hər il 24 aprel uydurma erməni soyqırımı günü erməniləri öz təşkilatçılığı ilə İranın böyük şəhərlərində küçələrə tökür.
Bundan başqa İran rejimi Güney Azərbaycanın Makı şəhərində unudulmuş bir xristiyan kilsəsini (Qarakilsə) dünya ermənilərinə xatırladır və ermənilər üçün Qarakilsədə möhtəşəm tədbirlər keçirir. Tədbirə gələn erməniler İranın üstdüzey rəhbərləri səviyyəsində qarşılanır. Onları yüzlərlə Təhlükəsizlik Qüvvələri qoruyur.
DAK mətbuat xidməti
