Siyasət
- 20.07.10 08:20 Bakıda NATO-nun yeni strateji konsepsiyası adlı dəyirmi masa keçiriləcək
DAK informasiya mərkəzinə daxil olan məlumata əsasən Azərbaycan Respublikasının Prezidenti yanında Strateji Araşdırmalar Mərkəzində (SAM) “NATO-nun yeni strateji konsepsiyası” mövzusunda “dəyirmi masa” keçiriləcək. SAM-ın mətbuat xidmətindən ANS PRESS-ə verilən məlumata görə, tədbirin iyulun 21-də keçirilməsi nəzərdə tutulub.
"Dəyirmi masa"da Fransanın NATO-da daimi nümayəndəliyinin siyasət bölməsinin əməkdaşlıq məsələləri və mülki fövqəladə planlaşdırma məsələləri üzrə müşaviri Lor Borqomano əsas məruzəçi qismində çıxış edəcək.
Toplantıda Şimali Atlantika blokunun yeni Strateji Konsepsiyası, NATO-nun Cənubi Qafqaz dövlətləri - Azərbaycan, Gürcüstan və Ermənistanla əməkdaşlıq perspektivləri, mövcud təhlükəsizlik sistemində Şimali Atlantika blokunun rolu, Alyansın dünyadakı mövqeyi, terrorizmə qarşı mübarizə və s. məsələlərə dair müzakirələr aparılacaq.
ANS
